Problema entre gang na Rooi Kochi

3155

Na momento cu solo ta bahando ta surgi un problema cu tabata mustra grandi den barrio di Rooi Kochi entre dos gang. Segun e habitantenan miembronan di un gang di Sabana Basora a yega na e sitio y a cuminsa tira e cas cu Piedra. Mirando e situacion, habitantenan tabata yama Central di Polis continuamente, segun nan a conta 24ora.com, pa manda Polis mas lihe posibel.

Diferente patruya a yega na e sitio. Nan ta bisa cu algun di e hobennan tabatin nan cara tapa y tabata lansa menasa. E victima tabata mustra hopi altera y spanta pa loke cu el a caba di pasa aden. Polisnan a listra un pick-up eybanda pero no a haya nada den dje. Patruyanan a bay core rond pa mira si ta topa cu algun persona na pia of den auto cu ta mustra sospechoso. Hopi informacion e victima no por a duna di e agresornan.

A bombardea cas situa na Rooi Kochi 35 cu piedra y baranca. Parce nan tin problema cu gang di Sabana Basora. Polis ta na e sitio.

Posted by 24ora on Tuesday, June 2, 2020