Comerciantenan di Waf di Chikito tin un problema pa basta tempo caba. Holo stinki di awa di riool ta causa molester na esnan cu ta traha ta bende artesania y souvenirs.
Pa algun siman awor e awa di riool ta subi bay over riba caminda. Turistanan tin di crusa riba awa sushi pa por drenta cumpra nan regalonan.
Señor Croes cu tin añanan ta traha tur dia den Waf Chikito a remarca cu un restaurant den cercania por ta causando e problema. A contacta DOW varios biaha pero nan parce ta sordo y ciego pa e problema aki. Hasta a notifica Ministerio di Infrastructura via nan sistema online pero nada ta haci pa soluciona e problema di riool den Waf Chikito.
Turistanan tabata cana cu baby stroller ta haya e holoe fuerte di awa sushi. Sra Miller a comenta cu di chikito e tabata bin Aruba. Awor cu e la bira grandi y tin yiu di su mes, no ta haya nada mas agradabel pa cana den Playa cu su famia.
Ta spera cu autoridadnan concerni por actua pronto pa resolve e problema aki ya cu ta afectando pilar economico di mas grandi di nos isla, turismo.
