Problema di famia lantando cabes: Dos detencion na Rooi Congo

Durante fin di siman a tuma nota di varios problema di famia cu a escala y hiba na detencion di diferente hende na diferente bario rond nos ilsa.

Diadomingo anochi no tabata excepcion na momento cu a start un discucion na un cas na Rooi Congo.
Den careda di 8:30PM a surgi un problema na un cas, cu den cura tin un luga di haci cabey conoci na San Nicolas. Akinan discusion a bay for di man y sla a cay. Na sitio a tuma nota di dos hende homber y un hende muhe den intercambio di palabra formal.

Polis a presenta na sitio y detene dos persona.