Contratistanan tabata tin un reunion cu minister Glenbert Croes hunto cu Patrick Farro, pa asina nan informa nan riba e situacion actual. Segun Humberto de Castro, propietario di un contratista, a comenta cu tabata un reunion positivo manera semper, ta trece nan preocupacionnan dilanti.
A informa gobierno di algun cos y di nan banda, gobierno a trece algun informacion dilanti. Ta di spera cu por tin solucion pa e problemanan.
Espacio y oido
Segun de Castro, Gobierno ta dunando e aporte cu nan tin. Nan a compromete nan mes y tambe pa busca un solucion pa e problemanan actual y tambe e garantia cu e refineria lo tey no solamente mañan, sino pa e proximo añanan.
Tardamento
E situacion ta tardando, pasobra e solucion no por bin di awe pa mañan. E pregunta ta con largo e lo dura y ora cu e solucion bin, con por sigui p’adilanti. Keto bay e contratistanan ta wardando. Mirando cu e empleadonan di refineria mes a perde trabao, e por core entre 500 pa 600 mama y tata di famia.
E empleadonan
Hopi di e empleadonan ta na cas. Sinembargo, e contratistanan tin contacto cu e empleadonan cu ta na cas. E preocupacion aki ta grandi. No solamente di e trahado y e contratistanan, sino di e isla completo. E problema aki no ta problema di un of dos minister, sino di un gobierno den su totalidad, cu tur hende mester bin hunto pa busca un solucion pa e problema. Den punto di bista di e contratista, e ta a punto di ta un crisis.
Luz na horizonte
Semper e contratistanan ta wak luz na horizonte. E ta algo facil pa papia ariba, pero esaki ta nan trabao. Ta nan specialidad. No tin trabao pa 10 contratista p’afo di refineria sigur di loke nan ta haci. Nan no kier sinti cu e cos aki no ta wordo tuma na serio. Si un hotel cera, tur hende mester tey pa soluciona e problema di e hotel. Si un refineria habri, tur hende mester tey p’e tambe. Cu nan kier’e of no, esey no ta e punto di discusion. Tin un problema andando, y ta buscando un solucion p’e.
Hotel na San Nicolas
Riba esaki, de Castro a splica cu no uno no tin di haber cu otro. Un hotel p’ariba, bao di e condicionnan corecto, ta algo positivo. Hopi biaha a wordo papia cu mester bin diversificacion den economia y esey ta inclui turismo obviamente, refineria ta parti di nos economia, cu nos kier of no. E ta trece empleo cu salarionan halto, cu ningun hotel, cu tur respet pa e industria ey ta paga. Ta wak’e fuera di operacion, manera cu e refineria ta, den e proceso di start up, ta crea cu 300 pa 400 empleo na salarionan halto y ora cu e hotel bin, e lo bira mas. E efecto lo ta sumamente positivo pa ambos industria.
Con lo sigui Gobierno ta bay analisa e informacion cu a trece dilanti. E contratistanan, ta trahando den e refineria ainda. Cu tin algun algun issues entre e cliente cu e contratistanan, ta un hecho. E problema ta for di tur hende su man, incluyendo di nan. Pasobra ta un problema politico fuera di tur hende su control.
