Probecha di Power Equipment Extravaganza na WEMA e weekend aki

WEMA tin un tremendo special cu nan ta bay tin henter e fin di siman aki. WEMA ya caba ta conoci pa su tremendo specialnan y nan lo bay tin un Extravaganza.

Jasmin Weverta splica cu sigur na WEMA bo mester ta e fin di siman aki. Nan tin nan Power Equipment Extravaganza cu pa 17 aña caba ta bezig cun’e, unda cu ta invita representante di e marcanan sumamente renombra manera Milwaukee, Makita, Black & Dekker, DeWalt, Skill. Nan ta bin special pa e evento pa WEMA y ta percura pa baha e prijsnan mas hopi posibel pa e cliente. E dealnan ta sumamente great. Pesey WEMA tin 17 aña cune.

Wema cu Power Equipment Extravaganza

Wema cu Power Equipment Extravaganza

Posted by 24ora on Friday, May 3, 2019

E Extravaganza a cuminsa awe diabierna, 3 di Mei, y ta dura te cu diadomingo 5 di Mei. E prijsnan special ta na San Nicolas, Santa Cruz y Ponton. Pero na Ponton e representantenan tey pa contesta cualkier pregunta cu bo por tin riba un di e marcanan reconoci.

Un invitacion ta bay pa tur cliente y henter pueblo di Aruba en general, pasa WEMA San Nicolas, Santa Cruz of Ponton y probecha di e specialnan cu tin e tres dianan aki. Tin te cu 40% di descuento riba powertools, como tambe special riba nan verf marca Valspar, tanto expressions como professionals y tambe tur otro deal cu WEMA tin. Nan semper ta percura pa tin e prijs competitivo y na alcanse di bo saco.