Registracion a habri pa presencia e CONGRESO ARTE DI TARIMA, dia 12 di october y
CONCIERTO DI GALA dia 13 di october, organisa pa Cas di Cultura y Departamento di
Cultura.
Disfruta di e ‘Early Bird’ special te cu 30 di september di Afls. 55,- pa evento of
Afls. 100,- pa un pakete. Esaki por pa medio di e link aki of na Cas di Cultura y
Departamento di Cultura: https://form.jotform.co/Casdicultura/DCA-eventonan-c100.
PA KEN? Art Lovers | Artista | Amateur | Profesional | Studiante | Educador | Lider Di
Grupo | Staff Di Scolnan Di Arte | Persona Den Maneho | Gremio Social | Gremio
Educativo | Organisado Di Evento | Esnan Di Industria Creativo y Tur Interesado
TOPICO GENERAL CONGRESO: E Potencial Di Arte Como Herment Pa Cambio Y
Impacto Positivo Den Comunidad: Social, Educativo, Cultural, Recreativo, Creativo,
Economico, Embeyese Bida, Trece Emocion y pa Desaroyo Personal.
CONCIERTO DI GALA: Excelencia Den Ehecucion Di Musica, Di Genero Clasico Te
Moderno y Popular y Treci di Manera Unico! Artistanan Invita e.o. Melange, C-Zar, Angelo
Koolman, Jossy Brokke, Edjean Semeleer, Edwin Abath, Rachel Kraayvanger, Johnny
Scharbaay, Victor Camacho, Grupo Di Baile Di Diana Antonette, Grupo Sandunga, Ivan
Quandus y Mas! Clausura Espectacular Pa Imara Thomas. Director Artistico Johnny
Croes.
Imara Thomas (NL/AUA),
ta soprano di opera profecional. Imara ta
cosechando exito na Hulanda y Alemania na “Deutsche Oper am Rhein –
Düsseldorf”. Imara lo fungi tambe como orador durante “Congreso Arte di
Tarima” y lo elabora riba su trayectoria y duna tips.
Clayde Menso (NL)
ta director di Amerpodia cu ta un organisacion semi-comercial y cu ta
dirigi 4 teatro den Amsterdam. E lo conta di nan funcion den nan
comunidad, atrae publico continuamente y e trend di “duna e yabi”.
Segni Bernadina (CUR/BON),
ex director di Teatro Luna Blou y La
Tentashon, Corsou. Awor Segni ta lider di proyecto na Bonaire Youth
Outreach Foundation Arts Program. Aparte di forma ‘performers’ e ta
desaroya futuro lidernan di comunidad pa medio di arte.
Belinda Boyd (USA),
Profesor Asociado na University of Central Florida den e ramonan di bos,
actuacion, direccion y ‘coach’ na Disney, lo papia di e “American Dream
in Entertainment” y di trendnan na merca di arte di Tarima, moviendo di
‘entertainment’ den e direccion di herment social pa efectua cambio.
Albert Arens (SUR),
director suplente di Conservatorio di Surnam,
director di Suriname School of Talent, director coral y pianista di
concierto. E efecto di les di musica intensivo den educacion basico.
Xiomara Ruiz Maduro (AUA),
Minister di Finansa, Economia y Cultura, lo haci e apertura di e dia. E lo
conta di su vision pa arte y cultura pa Aruba. E link entre arte, cultura y
economia ta cla: un pais cu un comunidad sano ta florece
economicamente.
Joan Danies (AUA),
docente den e sector Welzijn na EPI, studia den CKV
drama. Como escritora, actor y director di teatro Joan tin un bos unico den
teatro cu ta trece topiconan dilanti cu ta actual, polemico y cu alaves ta
entretenebo. (Still Pending)
Alice van Romondt (AUA),
culturista y presidente di Prins Bernhards Fonds Aruba, lo papia di su
experiencia den e veld cultural y lo duna un declaracion na final di dia
como guia pa esnan involucra den arte, cultura y industria creativo.
Tito Bolivar (AUA),
director di ARTISA, ta organisado principal di Aruba
Art Fair cu lo conoce awor su di tres edicion. E lo papia di e retonan
organisando un festival asina cu ta un otro tipo di tarima pa arte, su vision
su tras y deseo pa futuro edicionnan como vehiculo pa stimula industria
creativo.
Vicky Arens (AUA),
directora di Cas di Cultura, organisado principal di e congreso lo papia di
cifras. Arte y cultura to wordo mira como irelevante pa nos economia y
involucracion social. Pero kico cifras ta bisa nos di e sector aki y den e
circulo directo di CdC como plataforma nacional?
