Dialuna, 24 di Juni 2019, di 7:00 p.m. pa 10:00 p.m., Pro Juventud Savannah ta
celebra Fiesta di San Juan “Dera Gay” na Pro Juventud Savannah cu ta situa na
Sabana Liber, na Noord.
Pro Juventud Savannah ta invita bo persona, bo famia, bisiňa, amigonan, nos
grandinan, mucha, hobennan y tur habitante di Sabana Liber, Noord y Aruba pa
yega na Pro Juventud Savannah, pa hunto nos celebra nos tradicion Arubiano,
Deramento di Gay.
Lo tin tocamento, baile, pintamento, harimento, topa otro, comemento y bebe algo.
Tocamento ta na encargo di e tocadonan di Grupo Tipico bou direccion di Chonai
Faro.Tin posibilidad pa mucha, hoben hunto cu nan mayornan pinta un pintura di Gay.
Pa nos grandinan tin espacio pa nan sinta trankil of baila y rebiba e tradicion
Arubiano aki, combersando, comentando y goza di e anochi.
Cushina “Polèchi” y Bar “Cocoyoco” lo ta bon surti cu sanger yena, pan cu
bakijauw, aros con pollo y mucho mas. Un boca bisa otro pa bin pasa un rato
alegre y contento.
