Prinses Beatrix a celebra 80 aña awe

Beatrix Wilhelmina Armgard, Prinses der Nederlanden, Prinses van Oranje-Nassau, Prinses van Lippe-Biesterfeld, a nace dia 31 di januari 1938 na Baarn, Hulanda. Desde dia 30 di april 1980 te cu 30 di april 2013 el a fungi como Reina di Reino Hulandes. E ta yiu mayo di Reina Juliana y Prins Bernhard y desde 2002 e ta viuda di Prins Claus.SAR Prinses Beatrix ta ruman muhe di Irene (1939), Margriet (1943) en Christina (1947). E tin dos mita ruman, den persona di Alicia (1952) y Alexia (1967).Mescos cu e ta bindi un famia di yiu muhe so, di su banda el a traha tres yiu homber so tambe, den persona di Willem-Alexander (1967), Friso (1968-2013) en Constantijn (1969). Awendia, Willem Alexander a tuma e trono over di su mama y ta cabes di estado pa Reino Hulandes.Mientras cu dia 31 di januari el a celebra su hacimento di aña cu su famia so, awe diasabra e Prinses a celebra su hacimento di aña priva den Paleis de Dam na Amsterdam cu no menos di 200 invitado. Entre nan su dos yiu hombernan y su 8 nietonan.