Aruba ta preparando pa “restart” cu tur su regulacion y retonan pero no obstante asina mes tin hopi cu ta preparando pa continua y algun hasta a cuminsa cu oportunidadnan nobo despues di e crisis cu nos ta surpasando.
Jennylaine Ras di Kids Zone Day Care entre nos localnan cu ta habri porta pa prome biaha y ta conta su trayectoria. Desde inicio di su estudio a focus mas riba e parti di mucha cu ta locual ta e parti cu mas el a gusta. E oportunidad di stage cu mucha tambe tabata uno bunita y despues traha den e ramo pa asina acumula experiencia.
Primordial den e ramo aki semper tabata e parti di higiena, esaki den tur sentido mas tanto pa e muchanan como tambe pa e personal. Ta idea pa brinda e mayornan un sosten, e siguransa cu e muchanan ta den un localidad higienico y di bon cuido.
Tambe ta tene cuenta cu e parti di siguridad na momento di recreacion di e muchanan cu tin cu haya oportunidad pa hunga libremente como tambe siña. Intencion ta pa bay traha cu grupo chikito pa cada lider y di edad for di 1 te cu 12 aña ( cu ta inclui Baby ) for di 7:00AM te cu 5:00PM. Den e servicio lo brinda cuminda cayente tambe, pa esnan cu ta desea mita dia tambe ta posibel como tambe traimerdia pa asina yuda muchanan cu huiswerk te cu den oranan di atardi.
E demanda semper tabata halto, den e area di Noord cu ta cerca di area di Horeca cu ta caminda ta ubica actualmente.
