Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo. Na mei 2019 e prijs promedio pa bari di petroleo (US$ 60.89) a conoce un caida di US$ 3.00 (-4.7%) compara cu april 2019 (US$ 63.89).
E costo total di energia pa kWh pa un uzo di electricidad te cu 500 kWh no a cambia na mei 2019, el a keda Afl. 34.52 cent pa kWh. E costo total di energia pa kWh pa un uzo di entre 501 – 1000 kWh no a cambia na mei 2019, el a keda Afl. 35.72 cent pa kWh.
Adicionalmente, e costo total di energia pa kWh pa un uzo di electricidad riba 1000 kWh no a cambia na mei 2019, el a keda Afl. 45.93 cent pa kWh. Prijs di electricidad y di awa no a cambia compara cu april 2019. Consecuentemente, e prijs promedio di electricidad pa vivienda a keda Afl. 265.65, mientras cu e prijs promedio di awa pa vivienda a keda Afl. 137.05. Prijs di gasolin a registra un subida di Afl. 11.80 cent (6.0%) na mei 2019 y a causa un efecto di 0.32 ppt riba e CPI.
Prijs di diesel a registra un subida di Afl. 3.90 cent (2.2%) na mei 2019 y a causa un efecto di 0.01 ppt riba e CPI. Mei 2019, utilidad, gasolin y diesel como grupo, tawata tin un subida di prijs di 1.9% compara cu april 2019 y hunto a influencia e CPI cu 0.33 ppt, mientras cu e restante 448 bienes y servicio hunto a experencia un subida di prijs di 0.1% y tawata tin un efecto di 0.11 ppt riba e CPI.
Attachments area
