E dos rumannan di fam Ramirez cu a huy awe marduga for di KIA a logra e hazaña aki dor di kita e pochi di WC den nan cel. Nan a scapa di e forma ey, yega te pafo y despues subi dak. Ora a logra yega riba dak, camara di siguridad a capta ambos preso y a bati alarma. Cuidadonan di preso a activa pero a perde nan den scuridad di anochi y asina a bandona e area di prizon, conoci como Santo di Patia.
Minister Bikker a confirma awe mainta cu a start un investigacion interno mesora pa mira con e presonan aki a logra scapa asina facil. Separa di e hecho ey, otro presonan a sigura cu varios di nan tin yabi di celnan y portanan den prizon, cu ta haci cu por spera mas huymento den e dianan nos dilanti.
Polis a start un buskeda pa por mira con lihe por yega na e dos hobennan aki, cera pa un lista di atraco arma cometi aña pasa. Minister ta consciente di e retonan cu tin na e edificio y ta rekeri fondonan di Parlamento pa por soluciona e retonan aki urgente, pa evita cu mas preso lo sigui huy. Separa di e edificio, tin un demotivacion pisa bou di e trahadonan debi na nan posicion huridico, y falta di mas personal.
