Presonan a huy casi dilanti post di CEA: Polis a tuma over seguridad pafo di KIA

Na KIA den weekend e Polisnan a tuma over e seguridad. Ademas di e commando kamer presente banda di e Toren 2 cu ta afgekeurd, tin patruyanan di Polis moviendo pafo. Ken cu yega cerca nan ta core cune. A mira tambe con tin basta trabou andando pa instalacion di luz cu pa hopi luna no ta trahando. Tin scuridad na Toren 1 y Toren 3 y a bisa esaki masha tempo.

Ningun hende ta worry pa drechanan. A bisa cu cierto area ta full scur. Ningun hende a worry. Finalmente cosnan mester a pasa pa awor tur hende activa. E dos rumannan cu a huy a scapa for di Jeugd. Jeugd ta full pabou y apart di e compleho pariba unda e adultonan ta cera. Di Jeugd nan a los e WC y logra yega facilmente riba dak. A bin te unda e entrada principal ta. A bula riba e barinan pafo di cura. E barinan ta algun meter leu di e post di CEA unda ta ricibi bishitante.

Ningun hende di CEA cu tin camara a mira. Nan a sali perde den scuridad y pa ora esnan paden e bati alarma y kier a sali di nan post, ya caba ambos a huy den scuridad. Diadomingo ainda tabata tin drechamento y instalacion di luz net caminda nan a huy banda di e barinan. Nunca ts laat pa drecha eror wardando basta luna of mas cu un aña despues cu cada biaha tabata pidi pa drecha e situacion.

Comments

comments