Preso peligroso di Corsou transporta pa Aruba

Ta for di maart 2020 cu cinco piscado di Corsou a haya nan cu problema cu husticia Venezolano. Ta despues cu a gara nan den awa teritorial di Venezuela. Tabata sospecha nan di ta envolvi den contrabanda riba lama. For di e tempo ey nan a keda cera den prizon na Venezuela, despues di un aña y mey; ayera porfin nan a regresa Corsou.

Nan a regresa Corsou riba un vuelo di e aerolinea Laser, na nan yegada; team di aresto a aborda e aeroplano y a detene un di nan. Ta trata di e piscado Genaro Thode. Ta for di un tempo caba husticia tabata busc’e relaciona cu un caso andando na Corsou. Ta considera e sospechoso Genaro Thode un figura peligroso.

Preso peligroso di Corsou transporta pa Aruba

Preso peligroso di Corsou transporta pa ArubaClick link pa lesa mas: https://24ora.news/39bmnfL

Posted by 24ora on Monday, September 13, 2021

Awe den oranan di atardi a transporta e sospechoso riba un vuelo di Divi Divi pa Aruba. Mescos cu ayera na Corsou, awe na Aeropuerto Internacional Reina Beatrix, team di aresto tabata staciona riba rampa caba pendiente su yegada. For di avion a pas’e mesora den e vehiculo di team di aresto y escolt’e pa KIA. Ta pendiente mas informacion relaciona cu e preso peligroso aki. Pa awo, e lo permanece encarcela na KIA.