Ta dificil pa sindicato STA lo sinta cu UEA y traha hunto na beneficio di e trahadonan di N.V. ELMAR. STA su postura ta negosha pa su miembronan.
Diego de Cuba, presidente di STA, a bisa cu nan ta negosha pa nan miembronan y no ta bay forma un blok cu e otronan. Pensamento dje sindicato ta uno completamente diferente cu UEA. Di mira kico tabata firma den e ultimo CAO pa UEA, dificilmente STA por uni na un pensamento asina. Aki el a referi n’e echo cu a laga indexering y mas beneficio cay innecesariamente.
Si e compania tabata den un estado grave, STA lo compronde esey. Pero no tabatin ningun rason ni motibo pa haci esey. Segun de Cuba, nan ta riba dos diferente linea. Si nan por a haya otro riba un solo linea, esey lo tabata ideal. STA ta premira cu esey lo ta casi imposibel.
E ta haya cu no ta posibel cu a sinta bring’e y papia tur cos contra dje, y toch kier sinta cu ne. Esey ta un pida cu ta hopi dificil. Sindicato STA ta bay cu e delegadonan cu sosten dje miembronan, te ainda nan tin mayoria den N.V. ELMAR cu e speransa nan ta bira mas hopi un biaha mas.
Ta hopi dificil pa forma un bloke, pasobra durante reunion di awe cu si no ta cera cabes hunto cu e hendenan di ALVAST y UEA. Segun e sindicalista, tin di pone hopi cla cu ALVAST no ta un sindicato y hopi hende no ta compronde esey. ALVAST no ta un sindicato, pero ta un organisacion cu ta representa e IAO, cu ta un Individuele arbeidsovereenkomst cu e compania.
Pa mas lesa TREMPAN.COM.
