Armando Bojorquez Patron kende ta presidente di Confederacion di Organisacionnan turistica di America Latina, ta conta kico ta COTAL y kico e ta haci pa e area turistico. E ta un organisacion cu ta unifica na prestadornan di servicionan turistico di America Latina principalmente. Sinembargo nan tin capitulonan den otro luga cu no ta solamente America Latina. Tambe nan tin presencia na Merca, Canada y Spaña y proximamente na otro paisnan na mundo.
COTAL un confederacion cu ta busca pa unifica y conforma un grupo di promotor turistico pa promove tur e rikesanan cu tin den e gran America y ki miho cu America Latina. Pesey a crea un slogan cu ta bisa “America, es mas Latina.” Pesey, e confederacion turistica ta agrupa 22 pais di America Latina cu ta miembronan pleno di e confederacion aki, entre cualnan ta caba precisamente di integra Aruba, locual ta un gran gusto y cu ademas Aruba lo ta e gran link pa tambe uni otro luganan di Antianan Hulandes, cu ta interesa nan tambe, pa nan integra den nan confederacion. Ta un forma pa haci un trabao conhunto di promocion. Pasobra segun Bojorquez, biaha den America Latina, nos por probecha e gran rikesa cu nos tin y e gran potencial cu ta existi. Ta nota den paisnan grandi cu ta receptornan di turismo hopi fuerte entre esnan cu ta destaca obviamente Republica Dominicana y Mexico y por mira con e mercado Latino Americano a bay creciendo hopi mes, riba velocidadnan gigantesco. Den e caso di Mexico, por ehempel paisnan manera Colombia, Argentina, Peru y Brasil, cada aña ta creciendo den dos digito. Ta papiando di un 15 pa 20% anual den crecimento den cantidad di turista cu ta bishita e paisnan aki. Ta sperando cada dia pa existi mas interes cu mas hende di America Latina bishita e paisnan aki y tur e paisnan Latino Americano. Ta mira cu tin hopi cos cu ta uni nos, entre nan obviamente cu casi tur e paisnan ta papia un idioma cu ta Spaño y cu tambe ta unifica e facilidad y cosnan pa biaha. Ohala cambia e precepcion cu ta bay luganan manera Merca, manera Miami of manera otro luganan di Florida, New York y nos por mira cada dia nos ta cambiando nos pensamento y nos ta cuminsando biaha mas den paisnan di America Latina. Ademas cu ta mas cerca, ta increibel. Por ehempel na Europa tin un gran diversidad y movimiento turistico interior, entre e hendenan di Europa. Ki pasa si tambe por crea e gran movimiento turistico entre e paisnan di America Latina. Pesey e slogan tin un gran exito y ta spera cu hopi mas Latino conoce di nos gran America Latina.
