Presidente di Aruba Taekwondo Bond ARTBO a presencia training na Alto Vista

Dr. Guaicaipuro Jimenez a presencia e training na Alto Vista na unda cu Monica Pimentel nos atleta Olimpico a duna training na e atletanan di Impact Taekwondo y na e rumannan Klabér di Brazil Taekwondo Stichting. 

Tur atleta tabata tin nan facemask bisti y hand sanitizer pa nan usa. Dr. Guaicaipuro Jimenez a keda satisfecho cu tur e medida nan cu Monica Pimentel a usa pa e training pafo den aire liber. Mundialmente Taekwondo ta para cu tur e eventonan te cu proximo aviso y esaki ta haci cu training ta para na hopi Pais, pero tog tin algun training ta tuma luga den sala. 

Dr. Guaicaipuro Jimenez ta contento cu Monica Pimentel ta train pafo den aire liber y ta tene tur e precaucionnan necesario na bienestar di salud di tur atleta. World Taekwondo Federation ta organisa varios evento via zoom y Dr. Guaicaipuro Jimenez ta na altura di tur esakinan.