Manera ta gustumber Departamento di Agricultura Cria y Pesca Santa Rosa ta masha popular pa wordo invita pa duna presentacion na diferente scol rond Aruba. Sea ta scolnan basico, segundario of avansa Santa Rosa ta keda haya e peticionnan aki durante di henter aña. Nos ta sumamente contento cu e peticionnan aki ta keda wordo solicita na Santa Rosa.
Esaki sigur ta mustra e interes y importancia pa e Sector Primario di Aruba via di Santa Rosa por sigui yega na e diferente scol rond Aruba inculcando e interes den hobennan pa e importancia di nos Sector Primario. Kisas nos por logra tambe den futuro durante tur e trayectoria aki pa nos hobenan por scohe di bira un profecional riba un di e terenonan aki di Secor Primario manera entre otro un engeniero den agricultura.
Jacinta Kleuterschool tabata e anfitrion e biaha aki pa asina duna un presentacion na e alumnonan tocante Cria di Bestia. Pakico Cria di Bestia? Debi cu esaki tin di hamber cu e celebracion di 100 aniversario di Santa Jacinta. Un anecdota di e historia cu e tempo ey Jacitha tabata un cuidado di Carne manera historia ta bisa. Rond di e tema aki mester a hasi un presentacion di cria e nan cu nos tin aki na Santa Rosa pa e alumnonan.
Muchanan a difruta di e presentacion te cu merdia duna pa sr. Ludwig Rasmijn y Randy Maduro di Santa Rosa. Ta tabata casi 150 alumno cu a experencia e presentacion aki cu nan haye hopi bunita y interesante. Na final tabata tin oportunidad pa e docente y muchanan hasi pregunta. Sigur di parti di Santa Rosa nos ta sumamente contento di por sigui trece e informacionan valioso aki pa nos scolnan rond Aruba.
Na e scolnan cu no a haya bishita di Santa Rosa ainda pa duna un of otro presentacion ta invitanan pa tuma contacto cu nos oficina na tel: 585-8102 pa asina cu placer imenso nos por hasi un bunita y interesante presentacion di e diferente tema cu ta resorta bou di nos Departamento di Agricultura, Cria y Pesca.
