Presencia militar Ingles na Corsou ta preocupa Venezuela

RBC Mortgage Switch Campaign 2019
PPG Super Descuento
i10 Sedan
SETAR 3GB Free Data den February

Actualmente tin un barco di guera di Inglatera mara den Caracasbaai na Corsou. Segun vocero di Defensa Hulandes, ta trata aki di e barco di Marina Ingles, Mounts Bay. Ya e ta nabegando pa un tempo caba den e region, pero precisamente pa cuanto tempo e lo ta ancra na Corsou, ta desconoci y tampoco no sa si ta debi na e situacion cu Venezuela.

Fabulous Carnival
Cambia, Spaar y Gana

Segun e website di noticia Curacao Chronicle, Marina Britanico ta conduciendo ehercisionan militar cerca di Venezuela. 

The Mounts Bay ta un flota real gigante di barco di portavionnan auxiliar, cu a pasa aña nobo na Miami, embarcando un helicopter di US Coastguard pa prome biaha.

El a nabega bay zuid pa ta dentro di 50 miya for di e costa di Venezuela y a mara den Caracasbaai na Corsou, dia 21 di Januari.

Marina real Britanico ta afirma cu e embarcacion ta trahando den operacionnan antinarcotico cu e US Southern Command – aunke cu e rama di Pentagono aki ta loke lo por lidera un atake contra Venezuela.

Mientras tanto, e infantenan di marina Britanico ta realisando entrenamento di guera na Belize. Ministerio di Defensa Britanico a describi nan accionnan como “rutina.”

Nan a yega memey di januari na momento cu Gran Britania tabata intensificando su campaña diplomatico y economico contra e presidente Venezolano Nicolas Maduro.

Secretario di e Campaña di Solidaridad di Venezuela, Francisco Dominguez, a bisa na medionan: “Nos ta sumamente preocupa cu Gran Britania por uni na cualkier atake militar haci doordi Merca contra Venezuela.”

Campañador “Stop the War Coalition”, Mayer Wakefield, a vocifera su preocupacion bisando cu: “E historia reciente di Gran Britania di intervencionnan militar catastrofico, mester descarta cualkier participacion di Reino Uni den e intentonan di Donald Trump di destabilisa un gobierno eligi democraticamente na Venezuela.”

Comments

comments

Island Finance – Carnaval