Poco poco e fecha ta yegando pa e comediantenan di Corsou bin haci un intercambio na Aruba. Aki lo tin harimento sin fin riba dianan 3 y 4 di Juli proximo pa 8or di anochi den Cas di Cultura. Tema di e comedia aki ta mas bien imitacion di noticianan y situacionnan cu a tuma luga riba nos islanan e ultimo tempo. Claro cu e elenco di comediantenan profesional tin un forma unico pa capta atencion di e publico y pone nan hari te lora abou.
Na Aruba y Corsou tin hopi situacionnan ta pasa durante aña. Biaha pasa den prome show a trece diferente informacion caba rond di loke a sosode na Aruba. E biaha aki e no ta diferente. Mas cos a pasa y pesey den un forma di harimento e comediantenan lo imita e hendenan aki y cada caso cu a capta atencion den comunidad. Harimento ta dushi y ta baha stress.
Reserva bo ticket awe mes na CITGO Boulevard y CITGO Esso Ville pa solamente 35 Florin.