Preocupacion grandi bou empleadonan di EPI

  1. Despues cu Minister Dr. Rudy Lampe a anuncia cu e ta pospone e idea pa introduccion di DPS como un Fundacion independiente di Gobierno, cu a bira anuncia mesora cu Colegio EPI si lo bira un fundacion pasobra ta e mesun scol a pidi esey. Awor ta resulta cu docentenan y personal di e scol ta insisti cu esey no ta berdad y cu ta gerencia di e scol ta haciendo tur lo posibel pa kita for di bou di DPS pa bay den un fundacion. “E empleadonan ta acusa gerencia of parti di e gerencia di ta hopi yega na Minister Lampe. Esey sigur no ta motibo ni hustificacion pa e tipo di cambionan drastico asina”, segun mr. Drs. Arthur Dowers, Parlamentario di Fraccion di AVP. Parce cu a firma un carta di esunnan yega na Minister Lampe den cual nan ta pidi pa privatisa EPI dor di hink’e den un fundacion. “Esey tampoco lo sosode sin mas. E empleadonan eynan no ta di acuerdo”, segun ex-Minister Dowers.

Educacion Profesional Intermedio (EPI) ta un scol di ofishi na nivel 3 y 4 cu ta consisti di unidadnan manera: Salubridad y Servicio, Economia, Hospitalidad y Turismo y Ciencia & Tecnologia. Na tur por scoge for di 12 curso regular manera pa bira “Apothekerassistent”, “Verpleegkundige”, “Verzorging”, “Welzijn”, “Administratie”, “Secretariaat”, “Hospitality Management”, “Culinary Arts”, “Certified Cook”, “Bouwkunde” y “Elektrotechniek & Werktuigbouwkunde”.