Prensa Hulandes: Aruba mes ta culpabel cu CITGO no ta paga pa daño ambiental

Coronavirus a dal Aruba duro, pero ya caba e nos tabata den un estado malo debi na e situacion financiero debil. Un hecho cu e agencia di cualificacion Standard & Poor’s a ripara. Y un extra klap ta cu Gabinete Wever-Croes a caba di ofrece un ordenansa na Parlamento pa termina e contract cu CITGO cu ta inclui un ‘vrijwaring’ di 175M+ dollar.

Aunke no ta suficiente daño den termino financiero, un total di 3 Minister a ricibi autorisacion pa conclui un acuerdo di solucion cu refineria CITGO na San Nicolas. Cu e acuerdo aki CITGO lo haya indemnisacion completo. Aruba ta laga e garantia, pa cualkier daño ambiental y huur, simplemente pasa bay.

E hecho cu Minister Wever-Croes ta laga e placa aki para of ta regala esaki ta increibel, specialmente den e momentonan aki di difilcultad. Aruba ta asumi rienda di e refineria cu tur riesgo di responsabilidad y financiero cu ta bin cune. Ainda mester monitorea y mantene e ‘koffiemolen’ bieu, si un dia kier huur e, asina e pensamento mester ta.

Por ehempel si e daño ambiental of demantelacion ta grandi, e desaster financiero ta mas grandi. Un cos ta sigur, Aruba no ta ricibi hopi likidacion, mientras cu CITGO no pasa bou pretexto di sancion. Pero Gobierno mes ta argumenta cu esaki ta un oportunidad pa nos isla.

Fin di aña pasa a funda un compania nobo pa maneha e terminal di deposito. Yamativo: Pasobra RDA como propietario legal di e instalacionnan di refineria y deposito por haci esey. No ta bisa nada riba e debenan pendiente y facturanan no paga na contratistanan. CITGO no a cumpli cu su obligacionnan y e impotencia financiero no ta forsa mayor. Aruba tin e posibilidad di tin exito den “arbitrage”. Manera cu e presupuesto, Prome Minister Wever-Croes kier otro carta blanche pa negosha cualkier cos, unda e ta laga pasa 175 miyon dollar y ta tuma over tur riesgo.