Durante bishita di Prome Minister Evelyn Wever-Croes e siman aki na New York pa participa den e Asamblea General di Nacionnan Uni (UNGA 73), e prome mandatario di nos pais a reuni cu Su Mahestad Reina Maxima di Hulanda. E reunion aki a tuma luga na residencia di Embahador di Reino na Nacionnan Uni.
E punto prinicipal di e combersacionnan tabata tocante e compromisonan na Nacionnan Uni. Prome Minister a duna un splicacion basta elabora con Gabinete Wever-Croes a dicidi di pone e ser humano central. Deliberacionnan ta tumando luga na Nacionnan Uni riba con Aruba por haya asistencia financiero pa cu e programanan presenta na nan.
Gabinete Wever-Croes tin un maneho social hopi prominente y ta un ehempel pa otro paisnan, segun Prome Minister mr. Evelyn Wever-Croes.
