RCA ta cla pa un di e evento di canamento mas grandi na Aruba. E anual Powerade Run and Fun Walk 2019 y prome edicion di e SUBWAY Kids Run, diadomingo 3 di Februari y ta start 6or di mainta.
Pa di 8 aña caba RCA ta organisa e magno evento di cana y core cu semper a haya su acohida grandisimo. Costo ta Awg 25.00 cu ta inclui Dri Fit Shirt, Bib cu Timing, Massage Station, Fruta Fresco, Refreshments, Soppi Companashi, Sandwich, Trofeo pa Top 3 finishers di cada categoria y Gift Certificates pa all around winners. Tambe bo ta haya10% descuento na tur SUBWAY ariba e dia di evento si bo presenta cu bo bib.
Mester registra On-Line na e web-site racingclubaruba.com y pasa paga cash na IBiSA Aruba di dialuna pa diabierna 8am – 4pm, despues di registra On-Line. Esun cu no paga no por garantisa nan spot. BIB y shirt pickup ta diasabra 2 Feb di 10 am pa 4 pm na Subway Alhambra.
Ruta 8km ta: RCA ARENA, Kamerling Onnestraat, La Sallestraat, Rotonde Piet, Rotonde Ponton, Santa Helena, Pitastraat, EPB Hato, Rotonde Aruba Bank Hato, Rotonde Tanki Flip, Rotonde Tanki Leendert, RCA ARENA.
Categorianan cu lo por core femenino y masculino;
14-20
21-29
30-39
40-49
50-59
60+
E coremento di mucha lo tuma lugar den RCA Arena mientras e categorianan den Kids Run lo ta:
5 aña y menos 200 m
6 y 7 aña 400 m
8 y 9 aña 600 m
10 y 11 aña 900 m
12 y 13 aña 1.2 KM
Pa e SUBWAY kids run cu ta Gratis mester inscribi via e-mail [email protected] prome cu 28 di Januari y registra na RCA diadomingo 3 Februari 6:30 AM pa ricibi e bib#.
Premiacion: Medaya pa Oro, Brons, Silver pa tur categoria. Y Bib pa Hoka 2K Trail Run pa tur Ganador.
Lo tin tambe Live DJ MCK y MC Roberto Geerman den accion.
Cupo ta limita, no tarda registra awor pa no keda afor!!!
