Post Aruba N.V. ta anuncia cu despues di 12 aña, a yega na un Covenio Colectivo di Trabou (CAO) nobo. E acuerdo aki ta parti integral di e proceso di reorganisacion di Post Aruba N.V., marcando un etapa nobo unda ta reforsa e compromiso continuo di e compania estatal pa ofrece un ambiente laboral sostenibel pa su empleadonan.
Despues di un serie di dialogo constructivo entre Post Aruba N.V. y e representantenan sindical SEPPA, e dos partidonan a logra yega na un acuerdo pa e añanan benidero, ambos reconociendo e situacion financiero actual di Post Aruba N.V. como e responsabilidad di e compania estatal di brinda un ambiente sigur y sano pa su empleadonan. E acuerdo aki ta refleha e balor cu Post Aruba N.V. ta pone riba su empleadonan y e papel fundamental cu nan tin den e entrega di servicio postal y logistico na nos comunidad.
E CAO nobo a wordo firma riba 13 di Maart 2025 den presencia di ambos Director Interino, Ramoncito Croes y Esther Gomes, den presencia di e Manager di Recurso Humano Iliene Corsen, hunto cu representante di SEPPA Magaly Brito.
E avance aki ta den liña cu e vision strategico di Post Aruba N.V. pa promove bienestar di su empleadonan y di mesun biaha sigui garantisa un nivel di servicio y operacion eleva y confiabel.
Cu e acuerdo aki concretisa, Post Aruba N.V. ta reafirma su compromiso pa mantene un relacion laboral fuerte y sigui sirbi como un proveedor di servicio clave na Aruba. E empresa estatal ta sigui dedica na innovacion, desaroyo di empleadonan, y entrega di servicio di calidad na comunidad Arubano.
