Posiblemente gerencia di Elmar y sindicato STA lo reuni pronto

Nos a cera aña cu un disputa entre sindicato STA y tambe gerencia di Elmar. Sa cu tabata tin hasta algo cla pa firma. Mediador di Gobierno, Anselmo Pontilius a splica cu despues cu a wordo acerca tanto pa sindicato STA como gerencia di Elmar, despues cu STA a gana e referendum na Elmar, Mediador di gobierno no solamente a trece e partidonan hunto, pero cu a traha un documento den cual a redacta con e partidonan tin cu traha cu otro, considerando cu tin un contracto colectivo vigente na Elmar pa mayoria di e trahadonan, den cual cu e contracto colectivo, gerencia ta bisa cu nan no lo bay negosha un nobo, pasobra nan a negosha un contracto colectivo. E sindicato STA a señala cu tin e discusion riba reconocemento riba nan representantenan, nan shopstewardnan.

No ta supera e parti ey, ya cu e dunado di trabao, no por bisa cu no ta reconoce nan, sino tabata tin un discusion di e cantidad di oranan liber cu pago, entre otro cu nan lo haya pa cumpli como delegadonan. A prepara un documento y den e prome dos simannan di December, mediador di Gobierno a sinta bek cu e partidonan. No por a haya otro pa motibo cu di parti di gerencia, nan ta pidi e sindicato STA, den e caso aki, cu a drenta awor aki, representa mayoria di e trahadonan, pa nan firma e documento cu ta cubri e parti di reorganisacion. Eyriba nan tin duda, diferencia di opinion di parti di sindicato STA. Gerencia a suministra tur e documentonan aki na sindicato, den cual a pidi sindicato, si tin puntonan cu nan no ta di acuerdo, pa señala esaki.

2018 a habri sin solucion entre STA y Elmar

Posted by 24ora on Saturday, January 6, 2018

Den un intento adicional, a promove un reunion entre e abogadonan di e compania, gerencia y tambe abogado di e sindicato y dirigentenan di sindicato STA, cu lo a tuma luga dia 11 di December. E reunion eynan tampoco e partidonan a sali for di e situacion aki. Otro siman, a keda di yama e partidonan bek na mesa, pa mira si nan por supera e diferencianan di opinion cu tin riba loke ta e documento cu tin riba mesa, particularmente e parti den cual e sindicato ta bisa cu tin puntonan di preocupacion pa nan den e documento, e documento di reorganisacion di empresa Elmar.