Un chauffeur, riba caminda principal di L.G.Smith Boulevard, a bay dal den e tram pasando su dilanti. Trafico a pega formal dilanti Welcome Plaza na Playa.
Esaki a sosode aproximadamente 10:00 am na momento cu e tram tabata yegando Welcome Plaza pa baha turista crucero bek na e Port. Por imagina cu nan a pasa den un susto chikito na momento cu e vehiculo a bin dal den e tram.
Un homber na stuur di un Nissan Leaf no a paga tino y a bay dal den e pida palo parti patras di e tram. Daño material ta minimo pero asina mes e trafico a stagna y pa e motibo aki a pidi presencia di polis pa dirigi e trafico.
