Desde cu minister di Husticia y Asuntonan Social Rocco Tjon a anuncia e pre acuerdo cera cu Aruba Airport Authority (AAA), brandweer por haci peticion na AAA pa loke ta inversion. Sindicato di Bomberonan di Aruba (SINBA) ta contento cu e anuncio aki.
Presidente di SINBA, Davni Roza, a expresa cu nan tin un lista basta largo di prioridad p’e bomberonan. E sindicato a logra hunto cu aeropuerto y Ministerraad pa conclui loke nan mester den prioridad. Aki el a referi na autospuit, material pa crash truck, helm, handschoen, booth, uniform. Nan ta bezig cu e lista ta masha largo pa loke ta trata e prioridadnan dje bomberonan y ta conclui nan. Un truck ta na caminda y a cumpr’e cu fondo di gobierno.
E sindicato a firma un carta riba e 12.6% cu e grupo di sindicato na comienso. Roza a expresa cu si tin carta pa firma, nan ta cu nan. Pero pa subi caya y welga contra pais Aruba, nan no ta cla p’e. A splica e miembronan riba e situacion di likides ta delicado. Como ta depende dje pagado di belasting. Algun miembro di sindicato no tabata contento cu nan no por a subi riba caya y protesta, pero Roza a indica cu nunca directiva por prohibi miembro bay den accion. Loke semper ta haci ta sinta na mesa y si no logra algo, e ora nan ta yama e miembronan y ey ta dicidi kico ta bay pasa.
Pa un cobertura mas amplio lesa e edicion di TREMPAN di mañan
