For di algun dia caba polis ta man yen cu diferente caso di kiebro den auto. Practicamente tur dia polis tabata documenta caso di kiebro. Mas bien ta den area di Playa. E ta kibra glas di auto y horta bo pertenencianan. Algun dia pasa a bay cu laptop, bateria di auto y mas. No por a confirma cu t’e, despues di varios keho y camara di siguridad entrega na polis, a confirma cu ta trata di e adicto Lando Flanigin.
Awe, alrededor di 3:30 pm polis a top’e den accion den Werfstraat. Tabata busc’e pa un rato caba mirando cu tin ordo di detencion p’e. Polis a canta bingo, tabata busc’e pa deten’e y a top’e den accion ta kibra den un auto staciona den un parkeerplaats. A bay over mesora n’e proceso di detencion. A transport’e pa ward’i polis caminda a present’e dilanti un subfiscal. Un subfiscal lo dicidi kico t’ey pasa cu su detencion, sea cu e ta keda cera of e ta sali. Tin cu remarca si cu; no ta prome biaha cu ta deten’e pa e mesun acto aki.
A cer’e por lo menos tres pa cuater biaha pa kiebro y ladronicia. Ora e sali, e ta bolbe comete mesun acto.
