Servicio Meteorologico di Aruba (Meteo) ta pronostica cu awenochi shelo lo ta levemente te parcialmente nubla y generalmente seco. Den marduga y mayan den dia e lo ta parcialmente nubla cu awasero breve. Biento lo supla for di direccion oost te zuidoost y zwak te modera cu forsa 2 te 4 (7 te 30 km/ora, 4 te 16 nudo). Ta spera cu awenochi y den marduga e lo ta temporalmente variabel cu forsa 1 (1 te 6 km/ora, 1 te 3 nudo).
Den proximo 24 ora, principalmente den oranan di marduga y mainta trempan, de bez en cuando mas nubia lo por pasa riba Aruba y produci awasero pasahero. Diferencianan chikito di presion di aire lo ocasiona un biento zwak te modera durante e proximo dos dianan.
Pa loke ta condicion di lama, ta spera olanan ta for di direccion oost cu haltura di 2 te 4 pia na parti noord. Ta sugeri ocupantenan di boto chikito pa bay cu cautela riba lama habri na parti noord.
Meteo ta pronostica pa e proximo tres (3) dianan cu shelo lo ta parcialmente nubla cu awasero breve. Biento lo ta for di direccion oost te noordoost, modera, basta fuerte den rafaga y cu temperatura (grado celsius) max/min lo ta: 30/26.
