Por poco a takel auto mal staciona

1768

Un rato pasa banda di 7:30pm, polis a topa cu un Nissan Frontier, color blanco, numera A-61463 mal staciona riba e rail di tram. Ta net dilanti Plaza Daniel Leo, a combersa cu doño di e bar riba e plaza y a conta cu e auto no ta di ningun di su clientenan. 

Takelwagen tabata na caminda caba direccion caya grandi, ora cu 24ora.com a bay live y informa riba e situacion, e doño di e auto a aparece den algun seconde despues di mira e live. 

El a scapa di un multa di 175 florin di takel, pero asina mes polis a dun’e un multa. E homber a bay staciona su auto otro caminda y cu un multa riba su cabes. Na final a resulta cu ta cliente di e bar riba Plaza Daniel Leo.

Polis ta bay takel auto mal staciona den Playa

Posted by 24ora on Friday, November 27, 2020