Cu un total di 11 grupo y 2590 carnavalista riba pia, sin conta tur e boluntarionan cu tey pa yuda, Aruba ta presencia un gran parada di Carnaval, despues cu a pasa den e cayanan di San Nicolas, diasabra merdia.
Ta conta cu respaldo di pueblo henter, kendenan tur aña tey claba manera un clabo na banda, pa asina mira e bunita creacionnan cu e gruponan a sa di bin cun’e.
E parada a start den Avenida Milio Croes (Aruba Entertainment Center) pa 12’or, y e cabes ta programa pa yega Banco di Caribe pa 12’or y 40, sigui pa George Madurostraat pa 1’or y 5, Shakespearestraat pa 1’or y 35, djey pa Rotonde Las Americas pa 2’or y 5, cruzada di ADriaan Lacle Boulevard pa 2’or y 45, Oranjestraat pa 3’or y 45, Paardenbaaistraat pa 4’or y 5 y e final na Harbour Arena pa 4’or y mey di atardi.
Segun e programa, gruponan cu lo participa ta Champagne Carnival Group cu 425 participante, y compaña pa Tsunami. TOB Carnival Group cu 750 participante y compaña pa N’Fuzion. Infinity Carnival Group cu mas of menos 100 participante y compaña pa DLS.
Majestic Carnival Group cu mas of menos 125 participante y compaña pa Youth Extreme.
Royal CArnival Group cu mas of menos 200 participante y compaña pa NBO. Empire Carnival Group, cu riba 200 participante y compaña pa Buleria.
Los Laga Bai cu riba 400 participante y compaña pa Robert y Su Solo Banda Show. Pink4Life cu riba 100 participante y compaña pa Le Groove. Dushi Carnival Group cu 100 participante y compaña pa Upgrade Music.
OPC Carnival Group cu 150 participante y compaña pa OREO y por ultimo Chelo Loco cu mas of menos 10 participante y compaña pa un Sound System.
