Por busca buki pero no sinta den biblioteca

COVID-19 tabatin efecto tur caminda y pa Biblioteca Nacional Aruba (BNA) esey no tabata excepcion. Desde cu a constata e prome caso dia 13 maart, gobierno di Aruba a bin cu e medidanan specialmente pa evita e plamamento di e virus, a haci evaluacion di funcionnan esencial y no esencial, y a base di esey hopi departamento di gobierno mester a bay. Cu e introduccion di Shelter in Place, mester a sali solamente pa loke ta necesario y no por a yega trabou.

Por busca buki pero no sinta den biblioteca

Por busca buki pero no sinta den biblioteca. Click link pa mas https://24ora.tv/2zIMQ6k

Posted by 24ora on Saturday, May 30, 2020

BNA no a para keto y a sigui traha di e forma digital, asina Astrid Britten, director di BNA, a bisa. Ya caba nan tabatin contacto cu Koninklijke Bibliotheek di Hulanda pa haya aansluiting p’e publico di Aruba, Corsou y St. Maarten por forma parti di e biblioteca digital. Esey ta loke nan a haci, unda cu ora di yama tabata duna un code y ta haya instruccion con pa drenta pa uzo, specialmente pa bukinan Hulandes y tabatin un seccion pa bukinan Ingles.

Desde aña pasa na maart Arubiana a cuminsa cu un plataforma digital. Esey a bay den un manera mas acelera pa hinca mas contenido den e plataforma ey, specialmente materialnan di Aruba. Ta departamento di Arubiano unda cu por bay bek den bahul di recuerdo, pero a pone den digital pa ta accesibel p’e publico.


Biblioteca ta den un fase di implementa sistema nobo di automatisacion di OCLC. Nan a traha hopi for di cas riba e sistema aki. Tur esaki a pasa y tambe tabatin reunionnan virtual. Ora a pone cu gobierno por a traha bek den un forma di 25%, 50% y 100%, empleadonan di biblioteca a cuminsa traha dia 4 mei cu e sistema di pick up service.

Na e momento ey publico no por a drenta edificio. Mester fiha fecha pa publico drenta pero manteniendo na e exigencianan di DVG. Dialuna awo dia 1 juni por drenta pero cu limitacion, segun Britten. No lo por sinta pa oranan largo, pero lo ta evaluando cada siman e situacion. Por drenta biblioteca y entrega buki, pero si ta desea di mira material tin un ruta pa cana.