Parlamentario Alan Howell (POR) ta considera cu cosnan mester cuminsa draai bek na Aruba, asina el a comenta riba reapertura di nos fronteranan. Howell a bisa cu su mayornan no a lant’e cu style di egoista y no ta pasobra su salario te ainda ta sigura, cu e no tin cu worry cu esunnan cu si a perde of ta den perde nan salario.
“Tin por lo menos 37 mil persona sin trabou y cu ta depende specialmente riba turismo. Con por ta posibel cu mi por ta contra pa habri nos aeropuerto bek den diferente fase?” E ta consciente cu nos ta core e risico di importa un biaha mas Covid-19 na nos isla, pero na mes momento mester por sa bon cla cu si no habri nos fronteranan den forma controla manera a planea caba, no lo por sobrevivi na Aruba.
“Cos mester cuminsa draai bek mensen. Slowly but surely”, asina e Vice-Presidente di Parlamento di Aruba a conclui bisando.
