Chauffeur di un Subaro Exiga GT a hay’e den un accidente basta serio cu basta destruccion. Esaki a tuma luga diamars anochi den San Barbola caminda a bay dal den cura di cas como tambe den un palo di luz.
Den careda di 11:45 pm habitantenan di San Barbola a pasa den susto na momento cu un desordo a lanta nan for di soño. Ora a sali a tuma nota di kico a sosode. Un auto a dal den cura di San Barbalo #67, na su banda drechi, a subi caminda bek y bay dal den pal’i luz otro banda di caminda. Chauffeur no tabata herida pero daño material tabata grandi.
Polis a presenta y cuminsa atende cu e chauffeur. Mester menciona cu no tabata tin ningun otro auto envolvi. Durante control di polis, e chauffeur a cuminsa altera, y no tabata rasona cu polis na sitio. a purba di calm’e pero sin resultado. Segun por a compronde di testigonan na sitio, tabata sospecha cu e tabata bou influencia. No tabatin otro opcion cu detene e persona aki cu no tabata coopera.
Un rato despues transport a presenta y bay cu e detenido direccion warda di polis. Mientrastanto takelwagen tambe a yega sitio y bay cu e auto, lagando ELMAR trahando riba e daño causa na e palo di luz.
