E weekend cu ta tras di lomba no tabata uno facil pa Polis. Principalmente durante atardi te cu anochi y marduga a tuma nota di e cantidad di asistencianan cu Polis tin. Si no ta pa yamada di habitantenan pa molester di musica duro ta bebemento den cierto area den grupo grandi causando molester.
Den weekend na Eagle Beach varios unidad di Polis a bay plama grupo grandi di hende cu tabata bebe y toca musica duro. Tambe na altura di Nikky Beach parti pabou di cura di Airport tambe a mira basta bebemento den diferente grupo. Polis a pasa eynan pa atende cu nan.
Diadomingo drentando dialuna, Polisnan a topa cu pelea riba Linear Park banda di Hamaka. E localidadnan a cera 10:00pm pero pafo e aglomeracion a keda. Bebemento formal parti pafo cu na final a bira pelea entre algun di esnan presente.
Un guy a discuti cu un dama y djey pushe. Algun homber a sali na defensa di e dama y hasta tabatin mandamento di boter. Polis a pasa y mira e situacion. Djey Polis a bay bolbe cu mas unidad.
Eynan a yega core cu tur hende den e parkinglot ta bebe. Dimes hopi ta bebe y loke nan bebe ta keda den stoma y boternan bashi ta keda benta riba Linear Park. Logicamente esey no ta culpa di e doñonan di e bar. Esey ta esnan cu ta bebe riba caya ta iresponsabel bezig.
Loke si a capta atencion ta cu henter weekend ta mira Polis atende cu esnan cu ta bebe riba caya den grupo y core cu nan. E mesun hendenan aki bou influencia ta subi auto y bandona e sitio. Esey kiermen cu e Normal Nobo a sali esunnan cu ta bebe y core auto di bon.
