Polisnan ta extra atento y pueblo tambe ta extra atento ora autonan cu hendenan sospechoso move rond di cierto area.
Den e area di waf crusero a mira cu un KIA Rio color cora tabata move cu cuater homber. Nan tabata actua sospechoso y mas cu un biaha esnan encarga cu joyeria a miranan den V-104. Mesora a bati alarma. Polisnan patruyando den e area a topa cu e V-104 cu e cuater hombernan aden banda di Citgo Blvd na pomp di gasolin.
Polis a para nan tras y atende cu e cuater hombernan sospechoso den e auto. A tuma tur datos y no a haya nada contra ley a primera vista. Asina mes cu tur datos den man autoridad sa con pa move si berdad nan tin mal intencion.
