Polisnan NO ta di acuerdo pa uza Militar pa cuida costa

Awe merdia Sindicato di Polis Aruba (S.P.A.) a expresa nan desacuerdo cu e expresion di Minister Presidente mr. Evelin Wever-Croes, den cual e ta anuncia atrobe di lo involucra Marina Real den trabounan di Polis. “Cuerpo Policial semper ta welkom ayudonan externo. Pero esey semper mester tuma luga bou di supervision di nos Korps Chef”, asina Jose “Joselito” Dirksz, Presidente di sindicato SPA a duna di conoce.

Kisas pueblo no ta na altura, pero e “gewelds instructie” di Marina Real ta completamente
diferente cu esun di Polis. Bisando esey, e sindicato kiermen cu e leynan cu ta duna un militar autoridad pa actua ta diferente na esun di un Polis. Den e caso ey, Polis tin mas autoridad pa atende ci civilnan, pero Militarnan tin ley cu ta cubri nan pa uza forsa excesivo.

Luna pasa Jose “Joselito” Dirksz a cumpli 1 aña na cabes di sindicato SPA.

No ta imagina cu ta esey Gobierno (Lesa Prome Minister) ta desea pa sosode na nos fronteranan, por ehempel cu lo uza arma pisa ora di atende cu Venezolanonan cu ta yega Aruba den desesperacion buscando un miho porvenir pa nan famia.

“Cu otro palabra, cosnan por bay hopi robes mes!!”

Asina e Presidente di e sindicato di Polis a vocifera awe, ora papia di uza forsa Militar na nos fronteranan.

Polis y Militarnan sa entrena hunto na mas di un ocasion, pero cada ken tin nan autoridad y ta purba pa no subi tereno di otro.

Sindicato di Polis ta lamenta cu pa basta tempo a priminti un radar pa nos isla, cu lo facilita e trabou di control na nos costanan, pero te dia di awe, nada! “Pa nos e radar sigur tin mas prioridad cu e helicopter, mirando e situation cu nos ta bibando aden cu nos pais bisiňa Venezuela”, di acuerdo cu e sindicato cu ta representa Polisnan di Aruba.

Na final, Joselito Dirksz a bisa di ta spera cu Gobierno tene bon cuenta cu e puntonan cu nan sindicato ta mencionando aki.

Comments

comments