Polisnan a cera Havenstraat pa atende autonan mal staciona

3419

Polisnan a tira un control den Havenstraat unda tur fin di siman por mira un cantidad grandi di autonan staciona riba e banda di caminda destina pa e streetcar.

Hefe di Playa Trudy Hassell a yega cu diferente auto di polis y takelwagen. A staciona e vehiculonan di tal cu ningun di e autonan staciona den area prohibi por a move.

E acumulacion di autonan di e forma aki ta algo cu ta mira constantemente.  Propietario di Hoya Marksson Maduro a bisa cu e ta sinti cu esaki ta algo contra dje personalmente. Esaki pasobra e hendenan ta sigui tur regla di DVG. Pero na diferente ocasion el a tuma contacto cu Polis pa trata di yega na un acuerdo pa e vehiculonan por uza e area ey pa staciona den oranan di anochi. Esaki pa evita cu ta staciona auto leu y bira victima di ladronnan.

Polisnan a cera Havenstraat pa atende autonan mal staciona

Polisnan a cera Havenstraat pa atende autonan mal staciona

Posted by 24ora on Friday, October 16, 2020

E ta bisa di no ta mira problema, pa motibo cu streetcar ta stop di core 6.30 y si permiti e uzo di e area aki pa staciona, e por trece cliente pa e negoshinan eybanda.

Maduro a bisa cu un biaha mas e lo duna instruccion na su Abogado pa trata di yega na un acuerdo.

Trudy Hassell di su banda no kier a duna comentario.