Diamars den careda di 7or varios unidad di Polis a bay direccion di San Barbola. E adres of e number di cas cu a ser duna a resulta despues di no ta existi. Segun por a compronde un yamada a drenta di un familiar cu a bisa cu un otro familiar di nan a laga mensahe menazante atras. E persona masculino ta un hende cu Polis no conoce como cliente. Solamente el a laga sa na un of otro miembro di famia cu e lo mata famia. Si Polis bin e tin un arma “Glock” mescos cu Polis y ta tira Polis tambe. Pesey tres unidad di Polis a bay pa atende cu e situacion.
Pa cuminsa na yegada no a haya e adres pasobra e number ey ta mucho halto y no ta existi. Asina mes a busca otro adresnan cu por ta cuadra. Eynan tampoco a haya nada. Polisnan a logra chek un number cu a yama. Eynan a tende di un familiar cu lo ta biba na San Barbola. Pesey mes Polis a bay na e adres menciona. Un otor familiar den un area di Santa Cruz tambe un otro patruya di Polis a bay pa asina purba haya informacion di e persona cu lo ta menazando.
Polis kier a haya sa si ta hende bon di cabes y pa asina nan prepara nan mes ora di topa cune. Finalmente henter e caso a caba na nada. Asina mes esey no nifica cu polis lo para keto. Nan lo zorg pa ta alerta pasobra e prome informacion tabata di mata hasta Polis cu arma “Glock” si nan yega. E persona aki ta esun cu Polis no a topa durante henter e buskeda den San Barbola.
