Diaranzon pa mas of menos 10:30 di anochi, un grupo di hende tabata haci fastioso banda di Moomba Beach. Na momento cu strandpolitie a yega na e sitio, un homber basta agresivo a sali na careda drenta awa y no kier a bin bek canto.
Polis a core su tras pero a logra drenta awa y landa bay leu y mester a pidi asistencia di Kustwacht pa asina saca e homber bou influencia di droga for di lama. Na prome instante e unidad di Polis a purba di comunica cune pero tabata dificil. Tabata sigui su trayectoria den lama. E tabata landa di un area pa e otro. E tabata papia bruha y hasta bisa cu nan kier mate. Na dado momento Polis a perde for di bista y tabata teme pa su bida den lama.
El a wordo haya finalmente na yegada di Kustwacht pero full pabou di Holliday Inn wanta na e boei. A pone den boto di Kustwacht. A logra trece na pier. Despues a yama dogcatcher pa hibe warda di Shaba.
