Polis tin number di auto cu a Hit and run na Sero Pita

Un rato prome cu 8:00pm a sosode un accidente na Sero Pita. Un auto marca KIA modelo Picanto a ricibi basta sla na e parti dilanti na banda robes mientras un auto marca Hyundai modelo tabatin daño minimo riba dje. Parce cu e Kia Picanto tabata bin di noord bayendo zuid, ora e kier a lora na su man robes pa bay na un cas riba un subida. Un auto desconoci su tras a bin cu tanto velocidad cu e no a logra di para y hala na su man robes, net na momento cu e Kia Picanto a cuminsa lora.

Aki e auto desconoci a dal den e banda robes di e Kia y a pone e zwaai riba caminda y consecuentemente a dal den un Hyundai Accent cu tabata parkeer na otro banda di caminda. E auto desconoci mes a lora y a bira bay bek zuid y a bandona e sitio. Bisiñanan a logra di capta e number di e auto cu a hit and run. Polis a traha su rapport mientras e personal di roadservice/seguro a cera e caminda temporalmente pa haci un investigacion.