Despues di otro atraco dialuna anochi, e polisnan tabata riba caya vigilando henter e situacion pa movecion sospechoso. E team di aresto tambe tabata riba caya. Asina nan a constata un auto cu tabata duna indicacion sospechoso despues di e atraco.
A topa cune den Caya Betico Croes. A sigui su tras y pidi pa un unidad di Polis di Playa bin pa para e auto. Despues di pasa Avenida Watty Vos, a sigui su tras y logra pare riba e Construction Area banda di Airport. A baha e chauffeur y controla e auto. E personal di Arestatie Team hasta a pidi pa kita keds pa controla esaki. Despues di controla a resulta cu e auto aki y persona no tin nada di haber cu e caso. Asina e control a sigui riba otro areanan tambe riba caya.
