Polis ta laga cera caminda pa evita cu mas auto keda pega den plas grandi riba Sasaki

6048

Diamars banda di 4’or y mey di atardi, Polis conhuntamente cu DOW a bay riba e caminda dilanti TATFAT unda mas tempran 24ora.com a raporta live riba e molester di awa dilanti di TATFAT.

Mirando con e situacion a keda cu algun auto y truck pega memey di e plas di awa y pa evita mas auto pega den e plas, Polis a bay over pa cera e caminda cu baricada.

Manera por wak riba e potret cu e plas di awa a cubri full un pida di e caminda dilanti TATFAT y cu tabata basta hundo cu Jeep so por a pasa den tur e awa. Polis a laga pone baricada na ambos banda di e caminda pa preveni cu mas auto por pega den e plas.