Polis a stuur auto hiba chauffeur cansa cas

Un chauffeur hopi cansa a wordo hiba su cas pa Polis. Tabata casi 5or di marduga ora Polis a wordo avisa cu tin un homber den un auto canto di caminda. Nan no sa si e ta bibo of morto. Ora Polis a yega dilanti di e cas na Tanki Flip a topa berdad cu un Mitsubishi SUV y e chauffeur na stuur drumi canto di caminda.

Polis a yuda chofer cansa yega su cas na Bubali

Polis a yuda chofer cansa yega su cas na Bubali

Posted by 24ora on Sunday, February 4, 2018

Polis a bati na e glas y a logra lanta e chauffeur. Polis a logra comunica cune y asina a saca afo cu e persona mes a hiba un hende poco bebi cas despues di Lighting Parade. Na caminda pa su cas na Bubali a para e auto canto di caminda pasobra e tabata hopi cansa. Polis a bise mesora cu el a haci hopi bon. Mirando cu kizas e por ta un peliger pa e keda den auto drumi, Polisnan mes a papia masha nechi cune y el a copera pa Polis stuur su auto y hibe su cas na Bubali. Den e caso aki Polisnan tey pa yuda tambe na hopi ocasion durante oranan di marduga of cualkier ora di dia.