Algo pasa di 12:20 di marduga varios patruya a ser manda na e retonde di Paradera. Eynan tabata tin un chauffeur di un auto cu zwaailicht ta parando otro autonan djis pa pret. Na yegada di e patruyanan, e hoben coriendo un Ford Escape color oro numera A-66677 berdad tabata coriendo cu e zwaailicht riba su auto. E chauffeur a haya un sorpresa ora batayon di polis a rondone na e Botica na Paradera. Polisnan a papia cune y a splike den ki problema e por haya su mes aden cu husticia. Polis a scual e hoben aki y a kita e zwaailicht for di dje. Despues a core cune tambe for di e sitio. E hoben a spanta y a papia tur cos berdad na Polis. Despues di e scual e por a bay su cas bek.
