Polis: No tabatin detencion durante parada di blaas

Awe merdia pa 1:07pm Polis y S.M.A.C. a cuminsa cu e parada di blaas na San Nicolas. E parada a conta cu 4 grupo di mucha, cu hunto ta suma mas o menos 1500 participante. Cuerpo Policial tabatin 75 Polis riba pia, consistiendo di e parti uniforma, recherche, Mobiele Eenheid, Arrestatie Team y e seccion administrativo.

Pa 4:37p, e cabes di e parada a yega Joe Laveist Sportpark y pa 5:06pm e ultimo grupo a yega final. E aña aki no tabatin ningun detencion. Aña pasa tambe e parada di blaas a conta cu 0 detencion. Polis a bisa di ta contento cu e resultado.