Cuerpo Policial Aruba a informa awe cu pa motibo for di nos alcanse, e departamento di rijbewijs no por print rijbewijs por lo pronto. Esunnan cu mester un duplicado of mester renoba nan rijbewijs of a pasa examen di rijbewijs lo haya un formulario cu ta valido pa 30 dia. Parce cu e material riba cual ta print rijbewijs a caba y a tarda pa bestel, debi cu Departamento di Finansa di Gobierno a stop di saca inkooporder pa e aña aki.
Riba e formulario temporario cu lo otorga mientrastanto, lo pone nomber di e persona y su number di rijbewijs. Lo registra tur informacion den sistema di Polis. Ta adverti tur hende di antemano cu esun cu tin pensa di manipula of haci cambio riba e formulario, cu esaki ta un hecho castigabel cu tur consecuencia.
Cuerpo Policial Aruba lo informa manera cu tin e materialnan necesario pa por print atrobe.
