Polis no a pone atencion: A dal tras di auto na San Nicolas

3193

Un rato pasa, alrededor di 3:30pm a sosode un accidente na altura di KFC na San Nicolas. Ta trata di un accidente entre un auto marca Nissan modelo Cube color shinishi, numera A-59012 y un auto di polis numera D-410. E Cube a pone señal pa bay lora na su man drechi y e patruya no a tuma nota of no a pone atencion cu consecuencia menciona.

Ambulance tambe a presenta na sitio pa atende cu un persona cu e resulta levemente herida. Daño material no tabata hopi. Forensys y polis di trafico a presenta na sitio pa atende cu e accidente, cual ta un procedura normal ora cu un polis ta envolvi den un accidente. Specialistanan di trafico ta presenta na sitio.