Polis lo percura pa droga confisca no afecta nan salud

Un declaracion ricibi for di Vocero di Cuerpo Policial ta papia di e cantidad di droga confisca e siman aki y cu KPA lo percura pa esaki ta na un luga sigur, sin cu e ta afecta ningun hende.

Tabata dialuna pasa den oranan di marduga cu Guardacosta a intercepta un tugboat bou nomber di “GRACIA” den awanan teritorial di Aruba. Durante un investigacion ariba e tugboat aki a bin descubri un cargamento basta grandi di droga. Den un colaboracion estrecho entre Ministerio Publico y KPA, a confisca a droganan pa mas investigacion. Pa motibonan di siguridad pa cu e magnitud grandi di droga cu a wordo confisca, Cuerpo Policial Aruba tin un procedura pa cu e maneho pa warda un lote asina grandi. Diferente factor ta hunga un rol den cuadro di un investigacion asina grandi. P’esey KPA no por divulga na unda e lote grandi lo ser warda of ta warda pa siguridad di Polisnan y tambe pa e investigacion.

Polis lo percura pa droga confisca no afecta nan salud

Polis lo percura pa droga confisca no afecta nan salud.Click link pa mas https://24ora.news/32orrsl

Posted by 24ora on Friday, October 18, 2019

Mirando diferente rumornan cu ta bayendo rond na unda e droga ta warda. Lo translada esaki na un luga mas sigur cu no por ser divulga pa siguridad den cuadro di investigacion.
Mando policial ta consciente di e riesgo pa cu salud y cu bienestar di e polis cu ta den cercania di e droga. Trahando hunto cu e departamentonan den cuestion ariba nivel di siguridad KPA lo percura pa e lote grandi aki no ta dañino pa salud pa ser humano y elo ta na un luga adecua.

E cargamento di 2.200 kilo tabata inicialmente na Marinierskazerne y despues a muda esaki pa Warda di Polis na Santa Cruz y diabierna den oranan di dia, a cuminsa pa move e cargamento pa otro sitio. E team di 24ora.com a trata di haya informacion di con no a destrui e cantidad di droga aki mesora. For di KPA a referi na Ministerio Publico (OM) y e ultimo aki na su turno a referi nos na KPA.