Den un comunicado di prensa, Cuerpo Policial Aruba conhuntamente cu Ministorio Publico a informa cu lo listra preventivamente riba posesion di droga durante Jouvert Morning na San Nicolas. For di diasabra 12’or anochi pa 10’or mainta.
Den cuadro di e accion, polis ta autoriza pa para hendenan y listra na nan paña, tambe den casonan cu no por papia ainda di sospecho razonable cu a comete un hecho castigable. Cuerpo Policial Aruba ta cla y prepara pa e weekend druk di carnaval.
Polis ta pidi pa tene na cuenta cu prome, durante y despues di parada lo tin control di trafico den tur skina di Aruba. KPA lo tin basta personal riba pia pa asina mantene e orden publico.
